„Það er helst þessi sprunga á milli gosstöðvanna sem þarf að fylgjast með. Þegar gossprungan opnaðist í gær var ekki mikill fyrirvari á því, en þar voru fyrir sprungur á yfirborði sem var búið að kortleggja,“ segir Einar Bessi Gestsson náttúruvársérfræðingur í samtali við mbl.is. „Þessar sprungur sem eru þarna á milli gosstöðvanna eru hugsanlega vísbending um að eitthvað komi þar upp með litlum eða engum fyrirvara.“

Frétt af mbl.is

Gossvæðið lokað í dag

Einar segir það þó ekki þurfa að vera, en að yfirborðssprungurnar gefi vísbendingar um að kvikugangurinn geti verið þar undir, á milli gosstöðvanna, sem sýni að það sé mikið hættusvæði.

Þá haldi hraunbreiðan í Meradölum áfram að stækka, en vísindamenn frá Veðurstofu Íslands eru á svæðinu, sem lokað er fyrir almenningi, við mælingar á gasmengun.

Kanna gassöfnun í Meradal

„Gas safnast saman í lægðir og Meradalur er flatur í botninn og það er spurning um vindaðstæður þar ofan í dalnum og það á eftir að kanna það betur, hvað þarf til að blása gasið þar í burtu, svo vindurinn nái ofan í dalinn.“

Tengdar fréttir

Eldvirkni á Reykjanesskaga

Dvalið í 46 húsum í nótt

• Vandræðagangur á ferðamönnum
• Tókst að stöðva rennslið við rafmagnsmastrið
• Munu vinna dag og nótt við að hækka varnargarðana
• Virknin stöðug í nótt

» Fleiri tengdar fréttir

• Blogga um frétt