Um 150 metra löng yfirborðssprunga myndaðist á milli gömlu og nýju gossprungnanna í nótt og er vel fylgst með umbreytingum á svæðinu. Veðurstofan fékk tilkynningu frá almannavörnum um að björgunarsveitarmenn í Grindavík hefðu orðið varir við jarðsig á svæðinu um klukkan eitt í nótt.

Salóme Jórunn Bernharðsdóttir náttúruvársérfræðingur segir í samtali við mbl.is að jarðsigið sé um einn metri.

Ljóst er að miklar umbreytingar eru á svæðinu og það alls ekki öruggt. Lokað er fyrir umferð á svæðinu og mun Veðurstofan funda með viðbragðsaðilum á Suðurnesjum klukkan 9 og klukkan 10 til að leggja frekara mat á stöðuna. 

„Það er einhver hreyfing á svæðinu og full ástæða til að fara með varúð.“

Brennisteinsmengunar gæti orðið vart í Ölfusi í dag miðað við þá spá sem gerð var í gær en von er á nýrri um klukkan 9.

Tengdar fréttir

Eldvirkni á Reykjanesskaga

Gatan í bylgjum og bíllinn hoppaði

• Eldgos nú talið ólíklegt í nóvember
• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“

» Fleiri tengdar fréttir

• Blogga um frétt