Björgunarsveitir á suðvesturhorninu og úr Árnessýslu hafa verið kallaðar út til leitar að tveimur göngumönnum sem eru týndir við gosstöðvarnar á Reykjanesskaga.

Heimildir mbl.is herma að um sé að ræða tvo belgíska ferðamenn.

Útkallið barst rétt fyrir klukkan 22 í kvöld. Mennirnir tveir náðu sjálfir að hringja í Neyðarlínuna og óska eftir aðstoð, segir í tilkynningu frá Slysavarnafélaginu Landsbjörg. 

Þeir hópar björgunarsveitarfólks og lögreglu sem voru á svæðinu hófu strax leit um leið og meiri mannskapur var kallaður út. Samband náðist við mennina og verið er að afla upplýsinga og skipuleggja frekari leit.

Tengdar fréttir

Eldvirkni á Reykjanesskaga

Engir skjálftar yfir kvikuganginum

• Segir hættustigið forvörn fyrir helgina
• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri
• „Nokkur dæmi um hús í óásættanlegu ástandi“

» Fleiri tengdar fréttir

• Blogga um frétt