Lögreglan á Suðurnesjum og almannavarnadeild ríkislögreglustjóra eru stöðugt að meta stöðuna varðandi gasmengun á gosstöðvunum á Reykjanesi en mögulega þarf að loka svæðinu fyrr í dag vegna slíkrar mengunar.

Þetta segir Hjálmar Hall­gríms­son, vett­vangs­stjóri hjá lög­regl­unni á Suður­nesj­um, í samtali við mbl.is.

Spár gera ráð fyrir hægum vindi og frosti á gosstöðvunum í dag en þegar vindur er hægur getur uppsöfnun gass orðið hættuleg nærri þeim.

Frétt af mbl.is

Uppsöfnun gass getur orðið hættuleg

„Það er bara rólegt hérna hjá okkur og skítakuldi,“ segir Hjálmar við mbl.is núna á níunda tímanum. Einhverjir séu komnir að skoða gosið en það sé ekki margt fólk.

Hann segir svæðið allt varasamt núna, enda ekki jafn hvasst og var í gær.

„Við erum endalaust að endurmeta stöðuna, það er opið núna en það getur vel verið að eitthvað breytist. Ef við teljum svæðið hættulegt þá bara lokum við,“ segir Hjálmar.

Tengdar fréttir

Eldvirkni á Reykjanesskaga

Engir skjálftar yfir kvikuganginum

• Segir hættustigið forvörn fyrir helgina
• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri
• „Nokkur dæmi um hús í óásættanlegu ástandi“

» Fleiri tengdar fréttir

• Blogga um frétt