Uppfærsla á smitrakningarappi almannavarna, sem nýta mun Bluetooth-tækni í stað GPS-hnita er enn óútgefin. Nær ár er liðið síðan fyrst var rætt um að nýta þessa tækni og stóð þó til að nýja appið yrði komið í notkun í maí eða júní, þ.e. árið 2020.

Sennilega styttist þó í útgáfu, en RÚV greinir frá því í dag að forritið sé tilbúið og til skoðunar hjá Persónuvernd.

Hið nýja app byggir á sameiginlegu verkefni frá Apple og Google, sem kynnt var í fyrra. Með hjálp Bluetooth geta símar í gegnum smáforrit opinberra heilbrigðisstofnana, skipst á upplýsingum um aðra síma sem eru í námunda við þá, að því gefnu að þeir hafi einnig sótt appið.

Frétt af mbl.is

Apple og Google taka höndum saman

Ef einhver eigandi síma greinist smitaður getur hann látið heilbrigðisyfirvöldum í té upplýsingar um þá síma. Þetta gefur mun nákvæmari upplýsingar en núverandi app, sem notast við GPS-hnit, eins og Ingi Steinar Ingason, teymisstjóri hjá almannavörnum, útskýrði í samtali við mbl.is 17. apríl 2020.

Frétt af mbl.is

Bylting handan við hornið

Þessi tækni hefur þegar verið tekin í notkun í mörgum löndum, til að mynda í Danmörku þar sem það var tekið í gagnið í júní í fyrra.

Í samtali við RÚV í dag segir Kjartan Hreinn Njálsson, aðstoðarmaður landlæknis, að útgáfa appsins hafi tafist vegna þess að ákveðið hafi verið að verja lengri tíma í öryggisúttekt. Persónuvernd fékk nýja appið til skoðunar 19. mars.

Smitrakningarforrit danskra heilbrigðisyfirvalda, Smittestop, nýtir þessa tækni. Skjáskot/agunnar

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt