Nokkrir voru mættir fyrir klukkan sjö í morgun á gosstöðvarnar í Geldingadölum að sögn Bjarneyjar Annelsdóttur, yfirlögregluþjóns á Suðurnesjum. Hún segir rýmingu í gærkvöldi hafa gengið vel og engan hafa verið á gossvæðinu í nótt. 

„Aðallega höfum við áhyggjur af gasmengun á svæðinu,“ segir Bjarney. „Það sem við óttumst er þessi leyndi hluti gaseitrunar. Það sem er að gerast er að fólk er að fá einkenni sem við vitum ekki af fyrr en eftir á.“ 

Frétt af mbl.is

Íbúar Suðurnesja fylgist með gasmælum

„Fólk í mjög góðu formi er að örmagnast á leiðinni til baka. Þetta er ekki þung leið að ganga. Margir fá slen eða þreytu og upplifa sig lasna á bakaleiðinni án þess að átta sig á því hvað það er,“ segir Bjarney. 

Kallað eftir leiðbeiningum frá landlækni

Bjarney segir að kallað hafi verið eftir því við landlæknisembættið að skýra betur hvaða einkennum gaseitrunar fólk eigi að horfa eftir. Hún segir lögregluþjóna ítrekað vara við gasmengun en fólk virðist ekki taka það alvarlega. 

Frétt af mbl.is

Eru á eigin ábyrgð

„Ég skil mjög vel áhugann á að fara og skoða þetta. En það er spurning hversu lengi fólk þarf að dvelja þarna í þessum aðstæðum,“ segir Bjarney.

Tengdar fréttir

Eldvirkni á Reykjanesskaga

„Við vorum alveg á nippinu“

• Funduðu að næturlagi vegna gruns um kvikuhlaup
• Héldu að kvikuhlaup gæti verið að hefjast
• Kanna vanhæfi lögreglustjórans vegna banaslyss
• Bæjarfélagið gæti farið í greiðsluþrot

» Fleiri tengdar fréttir

• Blogga um frétt