„Úrslitin eru mér auðvitað vonbrigði og ekki nálægt því sem að var stefnt en nú er brautin fram undan hjá mér nokkuð skýr og ég þarf ekki að gera neinar breytingar á mínum högum,“ segir Róbert Marshall, upplýsingafulltrúi ríkisstjórnarinnar og fyrrverandi alþingismaður, í færslu á Facebook-síðu sinni.

Úrslit forvals VG í Suðurkjördæmi voru kunngjörð fyrr í kvöld. Athygli vakti að Róbert komst ekki á blað forvalsins en hann sóttist eftir oddvitasætinu. 

Frétt af mbl.is

Hólmfríður leiðir lista Vinstri grænna

Engin styggðaryrði

Róbert óskar Hólmfríði Árnadóttur til hamingju með sigurinn og segir hann hana vel að honum komin. Auk þess þakkar Róbert meðframbjóðendum sínum fyrir drengilega baráttu.

„Það sem yfirskyggir vonbrigði mín er ánægja með þann góða anda sem var á milli okkar sem gáfum kost á okkur í þessu forvali. Engin styggðaryrði og einfaldlega jafningjar að bjóðast til að tala fyrir stefnu sem er okkar hjartans mál. Það er innihaldið sem skiptir máli og það eru málefnin og samstaða okkar vinstra fólks um þau sem hafa skyggt á allt hefðbundið prófkjaravopnaskak.“

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• 1 blogg um fréttina

Bloggað um fréttina

• Helga Kristjánsdóttir: Eftir hrun;