Ísland er skuldbundið til þess að greiða fyrir alla skammta sem það hefur samið um að fá frá AstraZeneca, líka þá sem verða ekki notaðir vegna takmarkana sem kunna að verða settar á notkun bóluefnisins.

Kemur þetta fram í samningi Íslands við bóluefnafyrirtækið, sem heimildamaður mbl.is innan úr stjórnkerfinu hefur barið augum, og væntir hann þess að hið sama gildi um samning Íslands við bóluefnaframleiðandann Janssen.

Notkun bóluefnis AstraZeneca er einungis leyfð hér á landi fyrir þá sem eru 70 ára og eldri en sóttvarnalæknir hefur sagt útlit fyrir að þeir sem eru 65 ára og eldri verði einnig bólusettir með efninu.

Enn er til skoðunar hvort einhverjar takmarkanir verði gerðar á notkun bóluefnis Janssen en 2.400 skammt­ar af efn­inu komu til lands­ins í morg­un.

Frétt af mbl.is

Janssen ekki í dreifingaráætlun

Trúnaður um efni bóluefnasamninga

Nefndarmenn velferðarnefndar hafa fengið að sjá alla bóluefnasamningana sem Ísland hefur gert og eru bundnir trúnaði.

Sigríður Á. Andersen, þingmaður Sjálfstæðisflokks, óskaði eftir aðgengi að samningunum og var þeirri ósk hafnað þar sem hún er ekki formlega skráður nefndarmaður en tók sæti í velferðarnefnd tímabundið.

Frétt af mbl.is

„Höldum okkar striki“ hvað AstraZeneca varðar

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• Blogga um frétt