Samgöngustofa segir í tilkynningu að starfsfólk þar hafi tekist á við afar krefjandi verkefni af fagmennsku og heilindum, þegar flugfélagið WOW air lenti í fjárhagserfiðleikum, en stofnuninni bar skylda til að hafa eftirlit með WOW. 

Frétt af mbl.is

Eftirliti var verulega ábótavant

Ríkisendurskoðun er harðorð í garð Samgöngustofu í skýrslu sinni um fall WOW air þar sem eftirliti af hálfu Samgöngustofu var talið verulega ábótavant, auk þess sem seinagangur stjórnvalda og viðskiptahagsmunir WOW air voru taldir hafa átt þátt sinn í málinu.

Gættu þess að flugöryggi yrði ekki stefnt í hættu 

„Flugöryggi er eitt af meginverkefnum Samgöngustofu og þungamiðjan í fjárhagslegu eftirliti stofnunarinnar með flugrekendum. Í þessu tiltekna máli tókst starfsfólk Samgöngustofu á við afar krefjandi verkefni af fagmennsku og heilindum.

Það fólst meðal annars í eftirliti og mati á ráðstöfunum í fjárhagslegri endurskipulagningu eins stærsta flugfélags landsins, án þess að flugöryggi væri nokkru sinni stefnt í hættu,“ segir í tilkynningu frá Samgöngustofu.

Skýrsla Ríkisendurskoðunar var send til Samgöngustofu sem trúnaðarmál. Þegar trúnaði verður aflétt og skýrslan birt á vef Ríkisendurskoðunar, eftir að Alþingi hefur tekið hana til afgreiðslu, mun Samgöngustofa veita greið svör verði eftir þeim leitað. Kemur þetta fram í niðurlagi tilkynningarinnar.

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

WOW air

Á eftir að koma í ljós hvort málunum verði áfrýjað

• Skúli sýknaður en 780 milljóna greiðslum rift
• „Allt sem ég gerði var með hag WOW í huga“
• Skúli mættur í dómsal
• Þrotabú WOW knýr á um bætur

» Fleiri tengdar fréttir

• Blogga um frétt