Í yfirlýsingu frá kínverska sendiráðinu á Íslandi er þess krafist að Ísland hætti öllum afskiptum af kínverskum innanríkismálum undir yfirskini mannréttindamála.

Kínverska sendiráðið staðfestir í yfirlýsingunni að Jónas Haraldsson, íslenskur lögmaður og lífeyrisþegi, hafi verið settur á svartan lista kínverskra yfirvalda. Þá staðfestir yfirlýsing sendiráðsins einnig að þvingunaraðgerðin gagnvart Jónasi sé svar við þátttöku Íslands í þvingunaraðgerðum gagnvart kínverskum einstaklingum og lögaðilum sem taka þátt í mannréttindabrotum í Xinjiang-héraði gagnvart úígúra-múslimum.

„Kína hefur ákveðið að beita gagnkvæmum refsiaðgerðum gagnvart einum íslenskum einstaklingi sem skaðar fullveldi og hagsmuni Kína alvarlega með því að dreifa lygum og upplýsingaóreiðu með illgjörnum hætti,“ segir í tilkynningunni.

Fullyrt er í yfirlýsingunni að Ísland hafi ákveðið að taka þátt í þvingunaraðgerðum sem byggist ekki á neinu nema lygum og falsfréttum og að ákvörðunin brjóti alþjóðleg lög og óskrifaðar reglur um alþjóðasamskipti. Þá er því haldið fram að þátttaka Íslands í þvingunaraðgerðunum grafi verulega undan samskiptum Íslands og Kína.

Tengdar fréttir

Úígúrar í Kína

Stefnan að drepa þá sem reyna að flýja

• Zara stöðvað vegna rannsóknar á nauðungarvinnu Úígúra
• Kínverjar sniðganga H&M
• Varaði erlend áhrifaöfl við blóðbaði
• Nauðganir sagðar daglegt brauð

» Fleiri tengdar fréttir

Íslend­ing­ur sett­ur á svart­an lista Kín­verja

„Mannréttindi eiga við alla, alls staðar“

• „Ég er bara ellilífeyrisþegi“
• „Óviðunandi“ segir Guðlaugur Þór
• Íslendingur settur á svartan lista Kínverja

• 1 blogg um fréttina

Bloggað um fréttina

• Axel Þór Kolbeinsson: Smá pæling