Innlent | mbl | 17.4.2021 | 15:40 | Uppfært 20:31

Nektarmyndum af Palla dreift í leyfisleysi

Páll Óskar Hjálmtýsson. mbl.is/Ásdís Ásgeirsdóttir

Páll Óskar Hjálmtýsson hefur deilt nektarmyndum af sér sem hann sendi í trúnaði á óprúttinn aðila sem tók að deila þeim til annarra.

Páll segir í facebookfærslu að hann sé þannig að skila skömminni, aftur til „fávitans“ sem ætlaði að láta hann skammast sín fyrir að hafa líkama og lifa kynlífi. Myndirnar hafði Páll Óskar sent á stefnumótaforritinu Grindr.

Vísar í lög um stafrænt kynferðisofbeldi

„Já, gott fólk. Svona lít ég út.

Fávitinn, sem ég sendi þessar myndir í trúnaði á Grindr og er nú að dreifa þeim út um allt - til að fá mig til að skammast mín fyrir að hafa líkama og lifa kynlífi - er rúmlega 30 árum of seinn!

Njótið vel,“ segir Páll Óskar á facebooksíðu sinni.

Ásamt því að deila myndunum deilir Páll Óskar skjáskoti af vefsíðu Alþingis, þar sem sjá má lög um kynferðislega friðhelgi. Þau lög voru samþykkt í febrúar síðastliðnum og varða stafrænt kynferðisleg ofbeldi. Dreifing kynferðislegs myndefnis eða myndefnis sem sýnir nekt er brot sem getur varðað allt að fjögurra ára fangelsisvist.

Já, gott fólk. Svona lít ég út. Fávitinn, sem ég sendi þessar myndir í trúnaði á Grindr og er nú að dreifa þeim út um...
Posted by Páll Óskar on Saturday, April 17, 2021