Segir fréttir af heilsu Navalnís uggvekjandi
Setja bókamerki
Guðlaugur Þór Þórðarson, utanríkis- og þróunarsamvinnuráðherra, segir að fréttir af hrakandi heilsu rússneska stjórnarandstæðingsins Alexeis Navalnís séu uggvænlegar. Ofbeldi rússneskra stjórnvalda í garð mótmælenda sé ekki viðunandi, rússneskum stjórnvöldum beri að virða rétt þeirra til mótmæla.
„Þetta eru uggvekjandi fréttir af heilsu Navalnís. Það hafa verið gríðarlega fjölmenn mótmæli um allt land í Rússlandi og hafa verið síðan hann var handtekinn við komuna frá Þýskalandi fyrir nokkrum vikum, þar sem hann lá á sjúkrahúsi eftir að hafa sætt morðtilraun,“ segir Guðlaugur við mbl.is.
Ísland tekur þátt í refsiaðgerðum gegn sex einstaklingum og einum lögaðila í Rússlandi ásamt Noregi og aðildarríkjum ESB. Aðgerðirnar felast í ferðabanni gegn umræddum aðilum og frystingu eigna þeirra. Bandaríkin og Bretland hafa ráðist í sambærilegar aðgerðir, eins og Guðlaugur leggur áherslu á.
Ofbeldi gegn mótmælendum óviðunandi
Guðlaugur segir að mjög alvarlegt sé að Navalní hafi verið sýnt banatilræði á sínum tíma og sömuleiðis sé mjög alvarlegt hvernig meðferð mótmælendur í Rússlandi sæta af hálfu yfirvalda. Hann hefur enda vakið athygli á stöðu Navalnís í ræðu sinni fyrir mannréttindaráði Sameinuðu þjóðanna.
„Það er alveg ljóst að mikill fjöldi fólks í Rússlandi gerir alvarlegar athugasemdir við meðferðina sem Navalní sætir og það ofbeldi sem við höfum séð á þeim mótmælendum er ekki viðunandi. Það er réttur fólks að mótmæla með þessum hætti og rússnesk stjórnvöld eiga náttúrlega bara að bera virðingu fyrir því.“
/frimg/1/54/13/1541351.jpg)
„Mjög þungt hljóð í fólki“
Vill að flokksþingi verði flýtt
Kölluðu til lögreglu á mótmæli Eflingar í Kringlu
„Ég á 10-15 vini sem eru búnir að missa allt“
„Maður er að anda að sér eignum fólks“
Kaup á Grænlandi og Íslandi skoðuð 1867
Ísland mun styðja við uppbyggingu í lok stríðs