María Heimisdóttir, forstjóri Sjúkratrygginga Íslands (SÍ), vonast til þess að ljúka samningum alveg á næstunni við Reykjalund, Sjúkrahúsið á Akureyri og Heilsustofnun í Hveragerði hvað varðar endurhæfingu vegna langvarandi einkenna Covid-19.

Reykjalundur hefur ekki getað tekið á móti nýjum einstaklingum í slíka endurhæfingu um nokkurt skeið vegna samningsleysis.

María segir að málið sé í algerum forgangi. „Við vinnum þetta eins hratt og okkar mannafli leyfir en síðustu 2 ár höfum við gert um það bil 30% fleiri nýja samninga en tvö árin þar á undan. Auðvitað eru fleiri Covid-tengdir samningar eins og til dæmis um sóttkvíarhótel eða önnur bráðaúrræði enn framar í forgangsröðuninni hjá okkur en þetta er sannarlega í forgangi.“

Í umfjöllun um mál þessi í Morgunblaðinu í dag leggur María áherslu á að samhæfa þurfi þjónustuna. „Það þarf að vera ákveðin samræming á milli þessara aðila og Covid-göngudeildarinnar á Landspítalanum og heilsugæslunnar.“

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir