Þingfundi sem átti að hefjast klukkan hálftíu í kvöld hefur verið frestað til klukkan 23.00 og er búist við því að hann muni standa yfir fram á nótt. 

Þar verður tekið til meðferðar frumvarp ríkisstjórnarinnar til breytinga á sóttvarna- og útlendingalögum, sem heimila að skylda farþega frá skilgreindum áhættusvæðum í sóttvarnahús og banna ónauðsynleg ferðalög frá skilgreindum áhættusvæðum.

Velferðarnefnd er nú með málið til umfjöllunar og er útlit fyrir að frumvarpið taki þó nokkrum breytingum áður en það fer fyrir þingið en samkvæmt heimildum mbl.is er óvíst hvort samstaða náist um þær breytingar innan nefndarinnar.

Uppfært klukkan 00.03 : Þingfundi hefur tvisvar verið frestað síðan fréttin er skrifuð, fyrst til miðnættis og nú til klukkan eitt í nótt. 

Tengdar fréttir

Kórónuveiran Covid-19

Stefna Norðmenn ríkinu vegna bólusetninga?

• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“
• Rétti barni sínu frekar sígarettur en iPad

» Fleiri tengdar fréttir

• Blogga um frétt