Vottorð sem komufarþegar hafa framvísað á landamærum Íslands um bólusetningu gegn Covid-19, fyrra kórónuveirusmit eða mótefni gegn Covid-19, virðast áreiðanleg. Þetta kemur fram í tilkynningu frá Stjórnarráðinu.

„Frá 1. apríl hefur komufarþegum með slík vottorð verið gert að fara í eina sýnatöku til að kanna hvort þeir kunni að bera COVID-19-smit. Á tímabilinu 1. – 15. apríl voru 1.106 farþegar sem framvísuðu vottorðum. Af þeim greindust 5 jákvæðir við sýnatöku en við nánari skoðun hjá COVID-göngudeild Landspítala kom í ljós að enginn þeirra var með virkt smit,“ segir í tilkynningunni. 

Þar kemur fram að alls hafi 4.800 ferðamenn komið til landsins á tímabilinu 1. – 15. apríl og af þeim framvísuðu 1.106 einstaklingar bólusetningarvottorði, vottorði um fyrra smit eða vottorði sem staðfestir mótefni.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt