Kæru Samherja vísað frá
Samherji kærði Seðlabanka Íslands vegna rannsóknar á meintum brotum Samherja á gjaldeyrislögum.
Oddur Þórðarson
Setja bókamerki
Lögreglustjórinn á Vestfjörðum vísaði frá kæru Samherja á hendur fimm starfsmönnum Seðlabankans í mars síðastliðnum. Samherji hefur kært frávísunina til ríkissaksóknara sem tekur nú ákvörðun um framhald málsins.
Frá þessu er greint á vef RÚV, en ekki hefur náðst í lögreglustjórann á Vestfjörðum í dag vegna málsins.
Samherji kærði fimmmenningana á vormánuðum 2019 til lögreglunnar á höfuðborgarsvæðinu, sem taldi sig ekki hæfa til þess að taka við málinu og sendi það áfram á lögreglustjórann á Vestfjörðum.
Upphaflega kæra Samherja varðaði rannsókn Seðlabankans á meintum brotum Samherja gegn þágildandi gjaldeyrislögum, sem hófst árið 2012.
Pútín reynir allt til að forðast aðra herkvaðningu
Hópur fólks reyndi að komast að eldgosinu
Yfir 300 stæði fóru undir hraun
Dómur þyngdur um þrjú ár
Nýtt fangelsi í landi Stóra-Hrauns tilbúið 2028
Sólveig Anna furðar sig á aðferðum kennara
Þarf að koma til móts við ólíkar þarfir lækna
Ekki vandamál að vera karlmaður