Þórdís Kolbrún Reykfjörð Gylfadóttir ferðamálaráðherra segist gera ráð fyrir að í þeim tilvikum sem hraðpróf gegn veirunni dugar í heimalandi ferðamanns verði það framkvæmt hér í stað PCR-prófs fyrir brottför ferðamanns frá Íslandi. Það sé ódýrara og hafi þá ekki áhrif á skimunargetu okkar með PCR-prófum.

Kristófer Oliversson, framkvæmdastjóri Center-hótela, sagði í Morgunblaðinu fyrr í vikunni að hátt verð PCR-prófa geti dregið úr ferðavilja. Kostnaður eins ferðamanns frá Bretlandi vegna prófa er nálægt 80 þúsund krónum. Þórdís segir að það hljóti að koma til skoðunar að vera með hraðpróf í stað PCR-prófa í tilvikinu sem nefnt var hér á undan. „Það er í raun sjálfsagt og eðlilegt að láta það duga geri heimaland ferðamannsins ekki kröfu um PCR-próf. Það myndi þá heldur ekki hafa áhrif á skimunargetu okkar,“ segir Þórdís Kolbrún.

Hún segir að það sé svo úrlausnarefni þegar fram líða stundir á hvaða tímapunkti ekki verður lengur gerð krafa um PCR-próf á landamærunum, til dæmis gagnvart fólki með mótefna- eða bólusetningarvottorð, að því er fram kemur í Morgunblaðinu í dag.

Tengdar fréttir

Kórónuveiran Covid-19

Ekkert um alvarleg veikindi

• Skyldasti ættingi SARS „var í þeirra eigin ísskáp“
• Almenningur fékk ekki nægan aðgang að samningum
• Við höfum „runnið til baka niður brekkuna“
• Grípa til aðgerða: Covid-19 breiðist hratt út

» Fleiri tengdar fréttir