Eldtunga sem tók að renna í Meradali í gær kom björgunarsveitarfólki sem þar var á ferð í opna skjöldu. Frá þessu er greint á facebooksíðu björgunarsveitarinnar Þorbjarnar. 

Frétt af mbl.is

Eldtunga rennur í Meradali

Þar segir einnig að björgunarsveitarfólki hafi orðið ljóst að hraunið væri á mikilli ferð niður gilið. Reiknaðist því til að hraunið rynni um þrjá til fjóra metra á mínútu.

Frétt af mbl.is

Um 200 metrar í að hraunin mætist

Forðuðu fólki

„Var því ákveðið í snarheitum að bruna upp á hrygginn við gosstöðvarnar, þar sem veðurstöðin er, til þess að smala niður fólki sem þar var svo það yrði ekki innilokað á hryggnum,“ segir þar.

Vel gekk að finna fólk á svæðinu, koma því í burtu og tryggja svæðið. 

Rennslið í Meradali hefur ekki áhrif á gönguleiðirnar sem hafa verið stikaðar að gossvæðinu. 

Fjölmennt á góðviðrisdegi 

Bogi Adolfsson, formaður björgunarsveitarinnar Þorbjarnar, segir að fjölmennt sé við gosstöðvarnar í dag. Blíða er á suðvesturhluta landsins og tilvalið veður til útivistar. Ekki hefur komið til útkalls viðbragðsaðila í dag. 

Skipta þurfti frá stikaðri gönguleið A yfir í B vegna gasmengunar fyrr í dag.

Tengdar fréttir

Eldvirkni á Reykjanesskaga

Gatan í bylgjum og bíllinn hoppaði

• Eldgos nú talið ólíklegt í nóvember
• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“

» Fleiri tengdar fréttir

• Blogga um frétt