Jóhann Hjartarson efstur á Íslandsmótinu
Setja bókamerki
Jóhann Hjartarson stórmeistari er efstur á Íslandsmótinu í skák eftir að hafa unnið Guðmund Kjartansson, ríkjandi Íslandsmeistara, í sjöttu umferð mótsins.
Jóhann er með fjóra og hálfan vinning en Hjörvar Steinn Grétarsson fylgir fast á eftir með fjóra vinninga en fimm skákmenn eru í þriðja sæti með þrjá og hálfan vinning.
Ingvar Þór Jóhannsson, liðsstjóri íslenska landsliðsins, leit yfir skákir dagsins í pistli á skak.is en þar er hægt að renna yfir viðureignirnar.
Gegn Jóhanni fékk Guðmundur betra tafl um stund en fór í röng uppskipti svo Jóhann gat nýtt sér veikleika í svörtu kóngsstöðunni. Fór svo að Jóhann vann og er einn efstur í mótinu.
Þótt leikar séu farnir að skýrast er enn nóg eftir af mótinu og hefst sjöunda umferð á morgun klukkan þrjú. Þar mætir Jóhann Hjartarson Sigurbirni Björnssyni með svörtu og Hjörvar Steinn Grétarsson fær hvítt á Alexander Oliver Mai. Beinar útsendingar má nálgast á skak.is.
Tveggja ára fangelsi fyrir manndráp á Lúx
Þórdís ætlar ekki að bjóða sig fram
Bráðabirgðalögbann á Trump
„Hefur tekist að virkja fólkið í landinu með okkur“
Fer annan hring í borginni og framkvæmdir frestast
Segir málinu laumað í gegnum kerfið
Sviptur leyfi eftir hundamisnotkun