N1 opnar aftur eftir eldsvoða

Þjónustustöðin N1 í Borgarnesi opnar dyr sínar aftur upp úr hádegi í dag, eftir að eldur kom upp í þaki stöðvarinnar í gær.

Frétt af mbl.is

Slökkvistarfi lokið og lítið tjón

Ekki verður hægt að opna veitingasal N1 strax, en það rými sem snýr að eldsneytisdælum verður opnað og þar með einnig fyrir sölu á drykkjum, sælgæti, pylsum og fleiri vörum. Vonir standa til að hægt verði að opna allt húsnæðið í Borgarnesi fyrir helgi, segir í tilkynningu.

Vegna hreinsunarstarfs verða salerni þjónustustöðvarinnar lokuð í dag en reikna má með að þau verði opin að nýju strax á morgun, fimmtudag.

„N1 vonar að viðskiptavinir verði ekki fyrir óþægindum vegna þessarar stöðu og starfsfólk fyrirtækisins leggur alla áherslu á að koma rekstri þjónustustöðvar N1 í Borgarnesi í samt horf innan fárra daga,“ segir í tilkynningunni.

• Blogga um frétt