Níu greindust með kórónuveirusmit innanlands í gær. Sjö voru í sóttkví en tveir utan sóttkvíar við greiningu í gær. Átta þeirra greindust við einkennasýnatöku en einn við sóttkvíarskimun. Nú eru 183 í einangrun og 408 í sóttkví. Ekki hefur fjölgað á sjúkrahúsi en þar eru fjórir líkt og í gær.

Á Suðurlandi hefur fjölgað um sex með staðfest smit þar sem í gær voru þar 23 í einangrun en eru nú 29 talsins.

Alls voru tekin 1.864 sýni innanlands í gær og 493 á landamærunum. 

 Ekkert smit greindist á landamærunum í gær en þeir tveir sem biðu mótefnamælingar í gær voru báðir með Covid-19 smit. Um var að ræða fyrri skimun hjá þeim báðum. Alls eru 1.053 í skimunarsóttkví og hefur þeim fjölgað á milli daga.

Nýgengi smita innanlands síðustu 14 daga á hverja 100 þúsund íbúa er nú 45,5 og 4,4 á landamærunum.

Alls eru 56 börn í ein­angr­un með kór­ónu­veiruna á Íslandi í dag og eru smit­in flest meðal barna á leik­skóla­aldri. Eitt barn á fyrsta ári er með smit, 36 smit eru meðal barna á aldr­in­um 1-5 ára, 15 smit eru á meðal barna á aldr­in­um 6-12 ára og fjög­ur í ald­urs­hópn­um 13-17 ára. 

Í ald­urs­hópn­um 18-29 ára eru 25 smit, 34 smit er í ald­urs­hópn­um 30-39 ára, 33 smit eru í ald­urs­hópn­um 40-49 ára, 23 smit eru í ald­urs­hópn­um 50-59 ára, 10 meðal fólks á sjö­tugs­aldri og tveir á átt­ræðis­aldri eru með Covid-19.   

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt