Sviðsettu morðið í Rauðagerði
Setja bókamerki
Lögreglan á höfuðborgarsvæðinu sviðsetti í morgun morðið í Rauðagerði, sem átti sér stað þar í febrúar.
Þetta staðfestir Margeir Sveinsson, aðstoðaryfirlögregluþjónn hjá miðlægri rannsóknadeild, í samtali við mbl.is. Vísir greindi fyrst frá.
Götunni var lokað fyrir umferð á tveimur stöðum á meðan lögregla athafnaði sig, en talsverður fjöldi lögreglumanna var á vettvangi.
Skotinn níu sinnum
Albönskum karlmanni var ráðinn bani fyrir utan heimili sitt við götuna rétt fyrir miðnætti 13. febrúar. Var hann skotinn níu sinnum með byssu, sem lögregla fann í sjó við höfuðborgina.
Tekið var sérstaklega fram, á blaðamannafundi vegna málsins í lok síðasta mánaðar, að fylgst verði áfram með framvindu mála varðandi mögulegar hefndaraðgerðir. Lögregla telur sig vita ástæðu morðsins en hefur ekki upplýst um hana.
„Hann neitaði ekki sök á þessum fundi“
„Hefur tekist að virkja fólkið í landinu með okkur“
Þúsundir flýja heimili sín á ný
Þórdís ætlar ekki að bjóða sig fram
„Svakalega öflug lægð“
„Kemur okkur í opna skjöldu“