Flúðaskóli verður lokaður í dag og á mánudag og leikskólinn á Flúðum verður einnig lokaður í dag. Eins verða sundlaugin, íþróttahúsið og tækjasalur lokuð í dag og um helgina vegna þriggja smita í Hrunamannahreppi. 

Þetta kemur fram í bréfi sem Hrunamannahreppur birti á Facebook í gærkvöldi. 

Þar kemur fram að þessi ákvörðun hafi verið tekin í ljósi þess að einn nemandi í 1. bekk Flúðaskóla hafi greinst með Covid-19 auk þeirra tveggja smita sem vitað var um í samfélaginu. Um varúðarráðstöfun er að ræða í þeirri von að hægt verði að brjóta smitkeðju sem geti verið í samfélaginu í Hrunamannahreppi.

Gert er ráð fyrir að starfsemi stofnana, fyrir utan Flúðaskóla, verði með eðlilegum hætti á mánudaginn nema staðan breytist um helgina.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt