Í ljósi breyttrar virkni eldgossins í Geldingadölum er verið að endurmeta stærð hættusvæðisins við gosið. Eins og áður hefur verið greint frá urðu töluverðar breytingar á gosvirkni í nótt. Þetta kemur fram í tilkynningu frá Veðurstofu Íslands.

„Kvikustrókavirkni sem hafði verið nokkuð stöðug undanfarna daga tók að sveiflast með þeim hætti að hún dettur niður í um 3 mínútur og eykst svo með miklum krafti með hærri strókum en áður hafa sést og stendur yfir í um 10 mínútur. Þessir taktföstu púlsar hafa einkennt gosið frá því klukkan 1 í nótt,“ segir í tilkynningunni.