Rauði krossinn opnar sóttkvíarhótel á Hótel Kletti við Mjölnisholt í Reykjavík í dag. Verður það þriðja sóttkvíarhótelið í Reykjavík og það fjórða á landinu en fyrir hefur Rauði krossinn umsjón með sóttkvíarhótelum á Fosshótel Reykjavík, Hótel Stormi og Hótel Hallormsstaðaskógi. Þá hefur Rauði krossinn einnig umsjón með farsóttarhúsum við Rauðarárstíg líkt og verið hefur síðastliðið ár.

Frétt af mbl.is

Útlit fyrir að sóttkvíarhótelin fyllist

Þetta kemur fram í fréttatilkynningu. 

Þar segir að þeim farþegum sem koma til landsins og ýmist þurfa eða kjósa að verja sinni sóttkví á sóttkvíarhóteli hafi farið nokkuð fjölgandi að undanförnu.

84 herbergi bætast við

„Í nótt voru um 400 gestir á sóttkvíarhótelunum tveimur í Reykjavík og einungis örfá herbergi laus þar sem stendur. Í dag koma átta farþegavélar til landsins, sú fyrsta lenti í morgun og sjö eru væntanlegar síðar í dag, þar af tvær frá hááhættusvæðum með nýgengi smita yfir 700,“ segir í tilkynningunni og jafnframt: 

„Með tilkomu sóttkvíarhótelsins á Hótel Kletti bætast 84 herbergi við það framboð og Rauði krossinn þar með betur í stakk búinn til að taka á móti þeim gestafjölda sem búast má við í dag og næstu daga.“

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt