Ísland er í fimmta sæti í Evrópu hvað varðar fjölda bóluefnaskammta gegn Covid-19 sem gefnir hafa verið á hverja 100 íbúa en skammtarnir eru alls um 40 á hverja 100. Engin Norðurlandaþjóð er ofar á listanum. Þá er Ísland í fjórða sæti í heimsálfunni hvað varðar hlutfall þeirra sem hafa fengið að minnsta kosti einn skammt af bóluefni, en litið er til allrar þjóðarinnar í því skyni og er hlutfallið því 30%. 

Þetta sýnir bólusetningarakning New York Times sem tekur saman tölur yfir bólusetningar á heimsvísu. 

Bretland, Malta, Ungverjaland og Serbía eru ofar en Ísland á listanum yfir skammta á hverja 100 en hlutfall þeirra sem hafa hafið bólusetningu er aðeins lægra hjá Serbum en Íslendingum eða 29%. 

Frétt af mbl.is

Danir ætla ekki að nota bóluefni Janssen

Norðmönnum og Svíum gengur verst

Danir og Finnar eru þær Norðurlandaþjóðir sem komast næst Íslendingum en 34 skammtar af bóluefni hafa verið gefnir hverjum 100 íbúum í báðum löndum. Þá hafa 23% dönsku þjóðarinnar fengið í það minnsta einn skammt af bóluefni en 31% finnsku þjóðarinnar. Norðmenn hafa gefið 32 bóluefnaskammta hverjum 100 íbúum og hafið bólusetningu hjá 25% þjóðarinnar. Tölurnar í Svíþjóð eru mjög svipaðar þeim í Noregi. 

Eins og áður hefur komið fram hafa Danir og Norðmenn ákveðið að bólusetja ekki með bóluefni AstraZeneca gegn Covid-19 og hefur það sett strik í reikninginn. Þá hafa Danir einnig tilkynnt að þeir ætli ekki að nota bóluefni Janssen.

Bólusetning gengur best á Seychelles-eyjum en þar hefur 61% þjóðarinnar fengið fulla bólusetningu gegn Covid-19. Í Ísrael hafa 56% þjóðarinnar fengið fulla bólusetningu.

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• Blogga um frétt