„Við þurfum að taka okkur tveggja daga frí til að fara í bólusetningu sem tekur kortér,“ segir Anna María Sigvaldadóttir, íbúi í Grímsey.

Óánægju gætir meðal íbúa í Grímsey með framkvæmd bólusetninga við kórónuveirunni. Þær fara fram á Sjúkrahúsinu á Akureyri og þurfa eyjarskeggjar að koma sér þangað sjálfir þegar þeir eru boðaðir, með tilheyrandi kostnaði.

Í umfjöllunum mál þetta í Morgunblaðinu í dag segir Anna María að samgöngur, bæði með ferju og flugi, hittist þannig á að þegar fólk er boðað í bólusetningu þurfi það að fara deginum fyrr til Akureyrar. Það kalli á einn frídag í ferðalag og annan í bólusetningu og ferðalag til baka. Þá er ótalinn kostnaður við ferðalagið sem getur hlaupið á tugum þúsunda auk gistingar og vinnutaps. Anna María segir að um 30-40 íbúar séu nú í Grímsey og áætlar hún að um eða yfir tíu hafi nú verið bólusettir. Hún segir að skynsamlegast væri að læknir eða hjúkrunarfræðingur kæmi til Grímseyjar og bólusetti íbúa þar.

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir