Alþjóðaforysta SOS Barnaþorpa víkur

Siddharta Kaul, forseti alþjóðasamtaka SOS Barnaþorpa, og Gitta Trauernicht, varaforseti þeirra, hafa tilkynnt að þau dragi til baka framboð sitt til endurkjörs á allsherjarþingi samtakanna í næsta mánuði.

Þetta eru viðbrögð við miklum alþjóðlegum þrýstingi eftir að upp komst að alþjóðasamtökin hafa leitt barnaverndarbrot hjá sér og jafnvel hylmt yfir þau.

Samtök SOS Barnaþorpa hér á landi áttu hlut að því að koma upp um þetta, að því er fram kemur í umfjöllun um mál þetta í Morgunblaðinu í dag.