Einstaklingurinn sem greindist utan sóttkvíar í gær liggur á gjörgæslu Landspítalans og er í öndunarvél. Þetta staðfesti Þórólfur Guðnason sóttvarnalæknir í samtali við mbl.is.

Þórólfur segir líklegt að hann hafi verið lasinn í nokkurn tíma, þar sem veikindi hans eru komin á þetta stig. 

Frétt af mbl.is

Fimm smit greindust innanlands - einn utan sóttkvíar

Spurður hvernig gangi að rekja smitið, sem var það eina síðasta sólarhringinn sem greindist utan sóttkvíar, segir Þórólfur að það geti verið erfitt að fá upplýsingar hjá fólki sem er á öndunarvél, hvar það hefur verið og hverja það hefur hitt. 

„Þannig að rakningin þar er heldur snúnari en vanalega,“ segir Þórólfur. 

„Þetta er hluti af því sem við erum alltaf að tala um, að biðla til fólks að hafa hægt um sig ef það finnur fyrir veikindum og fara í sýnatöku,“ segir hann. 

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt