Slökkviliðið á höfuðborgarsvæðinu var kallað út síðla kvölds vegna sinuelds sem upp hafði komið á Laugarnesi í Reykjavík.

Sigurjón Hendriksson, varðstjóri hjá slökkviliðinu, segir að það hafi tekið aðeins um fimmtán mínútur að ráða niðurlögum eldsins.

Nokkur útköll vegna gróðurelda eru að baki síðustu daga. Slökkviliðið var kallað tvisvar út í dag, einu sinni á fimmtudag og tvisvar á miðvikudag vegna gróðurelda.

Slökkviliðið slökkti fumlaust eldinn. Ljósmynd/Þorsteinn Ingi

Var búið að lofa rigningu 14. maí

Þessu veldur fordæmalítið þurrviðri, sem lítur ekki út fyrir að taka muni enda í bráð.

„Þetta er ekki gott fyrir gróðurinn,“ segir Sigurjón.

„Það var búið að lofa okkur rigningu 14. maí. En nú er búið að loka fyrir það. Þannig að ég veit hreinlega ekki hvenær það á eiginlega að rigna næst.“ 

Þurrviðri hefur ríkt síðustu daga. Ljósmynd/Leifur Wilberg

Tengdar fréttir

Gróðureldar á Íslandi

Hætta á gróðureldum á Austurlandi

• Gróðureldur í Mosfellsbæ
• Gras, fíflar og lúpína skotið upp kollinum
• Hættustigi aflétt á sunnanverðu landinu
• 31 hektari brunnið við gosstöðvar

» Fleiri tengdar fréttir

• Blogga um frétt