Birgir Ármannsson, formaður þingflokks Sjálfstæðisflokksins, gefur kost á sér í prófkjöri Sjálfstæðisflokksins í Reykjavík, sem fram fer 4. og 5. júní næstkomandi.

Í tilkynningu frá Birgi kemur fram að hann sækist eftir því að vera áfram í framlínusveit flokksins og óski eftir stuðningi í 2. til 3. sæti. Birgir hefur setið á Alþingi frá árinu 2003 og hefur frá ársbyrjun 2017 verið formaður þingflokksins.

Að sögn Birgis eru fram undan gríðarlega mikilvæg verkefni sem snúa að endurreisn atvinnulífsins og fjölgun atvinnutækifæra eftir samdrátt og erfiðleika undanfarinna missera. Þar þurfi stjórnmálamenn að skapa hagstæð skilyrði til að einkaframtakið nái að blómstra en varast útþenslu hins opinbera.

Hann leggur áherslu á að standa þurfi vörð um frelsi einstaklingsins, sem sótt sé að úr ýmsum áttum, og tryggja að ekki sé vegið að stoðum stjórnskipunarinnar og réttarríkisins.

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir