Fjall­göngu­menn­irn­ir Heim­ir Fann­ar Hall­gríms­son og Sig­urður Bjarni Sveins­son munu reyna að klífa topp Everest-fjalls í kvöld, að því er fram kemur á facebooksíðu Sigurðar. Þar segir að þeir félagar muni reyna að nýta tækifæri sem gefst í kvöld og verður frétta að vænta af þeim eftir um 8-9 daga.

Frétt af mbl.is

Ætla að notast við súrefni síðustu þúsund metrana

Sigurður segir að þeir og félagar þeirra séu djúpt snortnir vegna skilaboða sem þeim hafa borist, hvaðanæva úr heiminum, þar sem fólk óskar þeim góðs gengis síðasta spölinn upp á topp.

„Ég mun fara inn í kvöldið með auðmýkt í hjarta mínu, fullur þakklætis og reiðubúinn til þess að gefa allt í þetta,“ skrifar Sigurður á facebook.

Margt um Íslendinga á Everest

Um þessar mundir gerir annar Íslendingur sig kláran til þess að reyna við tind Everest-fjalls. Það er hinn kúbverski Yandy Nunez Martinez, sem búsettur er á Íslandi og á íslenska konu. Yandy hitti nýverið þá Sigurð og Heimi og ræddu þremenningarnir stuttlega saman. 

Halldóra Bjarkadóttir, kona Yandys, hefur leyft mbl.is að fylgjast með ferðum hans á Everest. Seinast þegar fréttist af honum var hann í grunnbúðum Everest og beið þess að viðraði til þess að komast á toppinn. 

Frétt af mbl.is

Íslenski harðfiskurinn vakti lukku á Everest

Tengdar fréttir

Fjallganga

Fimm bestu fjallabæirnir sem útivistarfólkið elskar

• Best að fjölga þeim sem lifa af
• Myndband: Hjólaði Kattarhrygginn og deildi ótrúlegu sjónarhorni
• Upplifðu klifurleiðina upp á Everest með eigin augum
• Helga Magga kleif fjöll og firnindi ásamt vinkonunum

» Fleiri tengdar fréttir

• Blogga um frétt