Í gær höfðu alls 94.196 manns farið að gosstöðvunum í Geldingadölum síðan 24. mars, samkvæmt teljara Ferðamálastofu, en gosið hófst að kvöldi 19. mars. Undanfarna viku hafa um 10 þúsund manns farið, sem verður að teljast í meira lagi, þar sem mun fleiri fóru að gosinu fyrstu dagana eftir að fór að gjósa, en hafa vanalega gert síðustu vikur. 

Að sama skapi hafa, frá og með deginum í gær, 147.592 einstaklingar fengið bólusetningu við kórónuveirunni síðan bólusetning hófst í desember í fyrra. Þar af eru rétt rúmlega 65 þúsund fullbólusettir og bólusetning hafin hjá ríflega 82 þúsund manns.

Handahófs-bólusetning mögulega í þarnæstu viku

Ragnheiður Ósk Erlendsdóttir, framkvæmdastjóri hjúkrunar Heilsugæslu höfuðborgarsvæðisins, sagði nýverið við mbl.is að bráðum myndi bólusetning forgangshópa klárast og hafið yrði að bólusetja af handahófi.

Ragnheiður Ósk Erlendsdóttir. Ljósmynd/Lögreglan

Frétt af mbl.is

Handahófs-bólusetning mögulega í þarnæstu viku

Í næstu viku mun forgangshópur sjö, fólk með undirliggjandi sjúkdóma, klárast og að sögn Ragnheiðar eru hópar átta og níu langt komnir. 

Að því loknu hefst handa­hófs­bólu­setn­ing, sem Ragn­heiður seg­ir að verði mögu­lega í þarnæstu viku. 

„Já, þegar við erum búin með sjö, átta og níu þá dett­um við bara í handa­hófs-bólu­setn­ing­ar.“

Er ein­hver svona fyr­ir­huguð dag­setn­ing ná­kvæm­lega hvenær það hefst?

„Nei, ekki ná­kvæm­lega, en ég gæti al­veg trúað að það yrði í þarnæstu viku. Það fer eft­ir því hvað við fáum mikið af bólu­efni.

Rétt er að taka fram að tölur Ferðamálastofu ná til þeirra sem hafa gengið að gosinu eftir leið A og B og ná þar af leiðandi ekki til þeirra sem hafa farið aðrar leiðir eða komið loftleiðina á gosstaðinn.

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

Eldvirkni á Reykjanesskaga

Hækka hættumat um mánaðamótin

• Tengist mögulega Sundhnúkagígaröðinni
• Skjálfti upp á 3,3 við Keili
• 760 manns eru í vinnu í Grindavík
• Kvika safnast fyrir og land rís við Svartsengi

» Fleiri tengdar fréttir

• Blogga um frétt