Hraunið hækkaði og bar vélina loks ofurliði
Setja bókamerki
Önnur vefmyndavél mbl.is við eldgosið í Geldingadölum er komin undir hraun. Síðustu andartök vélarinnar sýna það hvernig hraunið fyrir framan hana hækkaði stöðugt í um tvo tíma þar til það bar hana loks ofurliði.
Rétt fyrir klukkan níu í morgun fór samband við vélina að rofna og hún datt alveg út um tveimur tímum síðar. Ljóst er að hraunið hefur hækkað mjög hratt þar sem vélin var upphaflega staðsett um 20 metrum fyrir ofan hraunrennslið.
Þetta er ekki í fyrsta sinn sem vefmyndavél mbl.is fer undir hraun því í byrjun apríl mætti önnur vél sömu örlögum.
Enn er þó hægt að fylgjast með gosinu í beinni útsendingu hér á mbl.is, í vél sem virðist vera lífseigari en hinar tvær.
Spara stórfé með olíukaupum ytra
Sparnaður heimila vex meira en áður var talið
Gosið gæti varað lengur: Meiri fyrirstaða í gosrásinni
Þórarinn: Tafir á höfuðborgarsvæðinu ekki minni
Óttast að fólk fari aftur að eyða peningum
Hraun fór yfir Grindavíkurveg