Gosmengun býr til blóðrauða sól
Setja bókamerki
Ástæðan fyrir blóðrauðri sól á suðvesturhorni landsins er líklega brennisteinsmengun frá eldgosinu í Geldingadölum. Þetta óvenjulega sjónarspil hefur víða vakið athygli.
Haraldur Eiríksson, veðurfræðingur á Veðurstofu Íslands, segir líklegustu skýringuna að einhvers konar brennisteinssamband sé í loftinu.
„Það hefur verið hægur vindur og þetta hefur safnast saman fyrir ofan okkur. Við höfum séð þetta áður í gosinu þegar það eru svona stillur. Að öllum líkindum er þetta mengun frá gosinu,“ segir Haraldur.
Spurður út í veðurspána næstu daga segir Haraldur norðanátt vera á leiðinni sem vonandi hreinsi mengunina í burtu, þó svo að vindurinn verði ekki hvass.
Hann bætir við að þótt mörgum þyki þetta fallegt sjónarspil sé þetta mengun sem geti verið skaðleg ef hún er í of miklu magni. Sem betur fer hafi þau gildi þó ekki mælst mjög há til þessa.
Meðfylgjandi ljósmyndir voru teknar í kvöld á síma á Reykjanesbraut við Voga á Vatnsleysuströnd.
Þegar borgin stal jólunum
„Það var bara allt í kássu“
Minni tafir en í sambærilegum borgum
Var rétt komin ofan í sprunguna
Lýsa yfir stuðningi við kennara
Við urðum að byrja upp á nýtt
Vilja bora við Bolaöldu
Telur njósnirnar vega að lýðræðinu á Íslandi