Barn brenndist við opinn varðeld

Í nógu var að snúast hjá lögreglunni á höfuðborgarsvæðinu ef marka má dagbók hennar frá því í morgun og í dag.

Tilkynnt var um hádegisbil að barn hefði brennt sig á opnum varðeldi í umdæmi lögreglustöðvar númer eitt. Sjúkrabifreið flutti barnið á slysadeild til skoðunar og slökkvilið sá um að slökkva eldinn. 

Umdæmi lögreglustöðvarinnar nær yfir Austurbæ, miðbæ og Vesturbæ Reykjavíkur ásamt Seltjarnarnes.

Frétt af mbl.is

Slökkvilið kallað út vegna varðelds

Nokkuð var um tilkynningar um þjófnað og innbrot í atvinnuhúsnæði. 

Stakk mann með sprautunál

Einnig segir í dagbók lögreglu að tilkynnt hafi verið um aðila sem stakk mann með sprautunál í magann í miðbænum um klukkan hálfeitt. 

Maðurinn var farinn þegar lögregla kom á vettvang en hann fannst stuttu seinna þar sem hann var handtekinn og í framhaldinu vistaður fyrir rannsókn máls í fangageymslu lögreglu.

Fannst sofandi við innbrot

Á sama tíma var tilkynnt um yfirstandandi innbrot í hverfi í póstnúmeri 105. Maðurinn fannst sofandi inni í íbúðinni og var handtekinn grunaður um innbrot og vistaður fyrir rannsókn máls í fangageymslu lögreglu, að því er kemur fram í dagbók lögreglunnar á höfuðborgarsvæðinu. 

• Blogga um frétt