Hraun er farið að renna yfir eystri varnargarðinn á Fagradalsfjalli. Varnargarðinum var komið upp til þess að hamla hraunstraumi í Nátthaga. 

Á vefmyndavél RÚV, sem horfir til norðurs yfir eldgosið frá Langahrygg, má sjá hvar hraun hefur farið yfir garðinn. 

Magnús Tumi Guðmundsson, prófessor í jarðeðlisfræði, sagði í samtali við mbl.is á föstudag að tilraunir á varnargörðum séu mikilvægar. Þrátt fyrir það taldi hann þá ekki líklega til að skila miklum árangri ef engin breyting yrði á gosinu. 

„Ef gosið held­ur áfram í ein­hvern tíma eða ein­hverj­ar vik­ur skipta garðarn­ir engu máli,“ sagði Magnús. 

Frétt af mbl.is

Réttlætanlegt að gera tilraunir með varnargarða

Í tilkynningu almannavarnadeildar frá því á föstudag segir að með framkvæmdinni hafi því verið seinkað að hraun renni í Nátthaga og nái þannig seinna að ljósleiðara sem þar liggur og að Suðurstrandavegi. Í gær stóð til að ljúka við gerð vestari varnargarðsins og unnið var að því að hækka eystri garðinn upp í átta metra, en það var háð því að hraunrennsli hefði náð jafnvægi og yfirborð storknað. 

Fréttin hefur verið uppfærð.

Tengdar fréttir

Eldvirkni á Reykjanesskaga

„Sýndu enn og aftur hversu megnugir þeir eru“

• Augu almannavarna á mikilvægum innviðum
• Úlfar: Heppileg tímasetning á gosinu
• Hraun fór yfir Grindavíkurveg
• Verulegar líkur á að hraun renni yfir veginn

» Fleiri tengdar fréttir

• 1 blogg um fréttina

Bloggað um fréttina

• Hallmundur Kristinsson: Eitthvað verður undan að láta