Liðsmaður uppstillingarnefndar Viðreisnar í Reykjavík segir að Benedikt Jóhannesson, fyrrverandi formaður flokksins, hafi komið því skýrt á framfæri að hann vildi aðeins oddvitasæti á lista flokksins og ekkert annað.

Natan Kolbeinsson, sem sat í uppstillingarnefndinni, skrifar í færslu á Facebook að flokknum hafi þá verið vandi á höndum að koma Benedikt fyrir enda séu fyrir þrjár konur í oddvitasætum á höfuðborgarsvæðinu sem hafi „náð að lyfta flokknum upp í rúm 11% og þar að auki starfað að heilindum og dugnaði“.

Þar sem oddvitar flokksins í landsbyggðarkjördæmunum þremur eru karlar hafi verið erfitt að setja inn karlkyns oddvita.

Frétt af mbl.is

Ósammála um það hver hafnaði hverju

„Ég fyrir mitt litla líf get ekki beðið hann eða nokkurn mann skriflega afsökunar á því að neita að hverfa frá jafnréttissjónarmiðum flokksins,“ skrifar Natan og vísar þar til orða Benedikts sem segist ekki hafa viljað taka annað sæti á lista flokksins þar sem uppstillingarnefnd vildi ekki biðja hann afsökunar á að hafa upphaflega boðið honum neðsta sæti listans.

Frétt af mbl.is

Benedikt boðið neðsta sæti á lista Viðreisnar

Þá bætir Natan við að þegar tillaga um prófkjör var borin upp í Reykjavíkurráði flokksins hafi hún fengið dræmar undirtektir.

„Allt ferlið fór eftir þeim lýðræðislegu leikreglum sem flokkurinn setti sér við stofnun og Benedikt er einn af aðalhöfundum að.“

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• Blogga um frétt