Eldar hafa nú sviðið gróður á um 31 hektara lands utan nýja hraunsins við gosstöðvarnar í Fagradalsfjalli. Þetta kemur fram í nýju mati Náttúrufræðistofnunar Íslands á umfangi gróðurelda við stöðvarnar.

Gróðurelda varð fyrst vart á svæðinu í byrjun maí og fór starfsfólk stofnunarinnar á vettvang 11. maí síðastliðinn til að meta hvers konar gróður er að hverfa undir hraun og verða gróðureldum að bráð. Þá var umfang eldanna áætlað um um 25 hektarar, að því er segir á vefsíðu Náttúrufræðistofnunar.

Brunnið land hefur nú verið endurmetið af loftmynd sem tekin var 18. maí og samkvæmt því höfðu 8,5 hektarar til viðbótar orðið eldi að bráð. Alls höfðu því eldar sviðið gróður á um 31 hekturum lands utan nýja hraunsins, en það var um tveir ferkílómetrar að stærð þegar þarna var komið. Gróflega áætlað höfðu um 335 tonn af gróðri brunnið í eldunum.

Helgina 14.–16. maí rigndi og snjóaði á suðvesturhorni landsins og slokknuðu þá gróðureldar við gosstöðvarnar. Dagana 21.–23. maí kviknuðu eldar að nýju út frá virkum hraunjöðrum ofan Nátthaga og víðar en er rigna tók 24. maí kulnuðu þeir.

Náttúrufræðistofnun Íslands mun fylgjast áfram með svæðinu, endurmeta útbreiðslu brunnins lands og hvort eldar taki sig upp að nýju, að því er segir á síðunni.

Tengdar fréttir

Gróðureldar á Íslandi

Hætta á gróðureldum á Austurlandi

• Gróðureldur í Mosfellsbæ
• Gras, fíflar og lúpína skotið upp kollinum
• Hættustigi aflétt á sunnanverðu landinu
• 67 útköll vegna gróðurelda

» Fleiri tengdar fréttir

Eldvirkni á Reykjanesskaga

Dregið úr gosóróa

• Gosmengun í Grindavík óholl fyrr viðkvæma
• Tilbúin að bregðast við skelli slæm sviðsmynd á
• Hraunflæði ógnar innviðum við Svartsengi
• Sér ekki fyrir endann á gosinu: „Nei, nei“

» Fleiri tengdar fréttir

• Blogga um frétt