Ríkislögreglustjóri hefur, í samráði við lögreglustjórana á Suðurlandi, Suðurnesjum og höfuðborgarsvæðinu, ákveðið að aflétta almannavarnastigum vegna gróðurelda á svæðinu frá Austur-Skaftafellssýslu að Hvalfjarðarbotni.

Áfram verður í gildi hættustig vegna hættu á gróðureldum á Vesturlandi, Vestfjarðakjálkanum og Norðurlandi vestra eða frá Hvalfjarðarbotni í suðri að Tröllaskaga í norðri, að því er segir í tilkynningu.

Óvissustig vegna hættu á gróðureldum er áfram í umdæmi lögreglustjórans á Norðurlandi eystra, það er frá Siglufirði og austur á Sandvíkurheiði.

Í dag er útlit fyrir rigningu með köflum á Suðaustur-, Suður- og Suðvesturlandi, en á Vesturlandi og Vestfjörðum fer ekki að rigna að ráði fyrr en á laugardagseftirmiðdag eða laugardagskvöld.

Ekki er spáð mikilli úrkomu á norðanverðu landinu, en þó gætu verið stöku skúrir þar, einkum á sunnudag.

Tengdar fréttir

Gróðureldar á Íslandi

Hætta á gróðureldum á Austurlandi

• Gróðureldur í Mosfellsbæ
• Gras, fíflar og lúpína skotið upp kollinum
• 31 hektari brunnið við gosstöðvar
• 67 útköll vegna gróðurelda

» Fleiri tengdar fréttir

• Blogga um frétt