Hlut­fall þeirra Íslend­inga sem hafa fengið að minnsta kosti einn skammt af bólu­efni gegn Covid-19 hér á landi er orðið hærra en í Banda­ríkj­un­um, sam­kvæmt töl­um Our World in Data Hér á landi er hlut­fallið 49,69% en í Banda­ríkj­un­um 49,55%. 

Hlut­fall full­bólu­settra er þó tölu­vert hærra í Banda­ríkj­un­um en hér á landi, eða 39,7% á móti 31,1% full­bólu­sett­um hér. 

Ísrael stendur vel að vígi þegar kemur að bólusetningum en þar hafa 62,94% þjóðarinnar fengið að minnsta kosti einn skammt. Ekki liggja fyrir tölur frá Bretlandi í dag en í gær var hlutfallið 56,88%. Í Mongólíu er hlutfallið 56,35, Kanada 54,42% og Barein 52,74%.

Í Ungverjalandi hafa 52,63% þjóðarinnar fengið að minnsta kosti einn skammt af bóluefni og í Þýskalandi 42,18%.

Af norrænu ríkjunum koma Finnar næstir á eftir Íslandi með 42,80% þjóðarinnar en í Svíþjóð hafa 35,93% fengið að minnsta kosti einn skammt af bóluefni. Í Danmörku er þetta hlutfall 34,26%. 

Ef horft er á talningu New York Times er Ísland í 15. sæti þegar kemur að bólusetningum. Þetta eru aftur á móti ekki tölur frá því í dag og vantar því inn upplýsingar um þá sem voru bólusettir bæði í gær og í fyrradag. 

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• Blogga um frétt