Atkvæðagreiðslu lýkur á miðnætti

Ráðgefandi atkvæðagreiðslu á Akureyri um breytingar á aðalskipulagi Oddeyrar lýkur á miðnætti. Kosið er rafrænt í gegnum þjónustugátt á vef Akureyrarbæjar og hafa allir íbúar bæjarins, sem náð hafa 18 ára aldri, atkvæðisrétt. Atkvæðagreiðslan hófst á föstudag, en á hádegi í dag, mánudag, höfðu 21% kjósenda á kjörskrá greitt atkvæði.

Frétt af mbl.is

Mikilvægt að fólk láti í sér heyra

Kjósendur geta valið milli þriggja kosta.

• Gildandi aðalskipulag gerir ráð fyrir húsum upp á þrjár til fjórar hæðir
• Tillögu um byggingar allt að sex til átta hæðir
• Málamiðlunartillaga gerir ráð fyrir húsum upp á fimm til sex hæðir

Þá er einnig í boði að haka við þann valkost að fólk hafi ekki skoðun á málinu.

Íbúakosningin á sér langan aðdraganda en karpað hefur verið um svæðið til fjölda ára. Hópur íbúa var ósáttur við þær framkvæmdir sem fyrirhugaðar voru og skiptar skoðanir í bæjarstjórn þvert á flokka.

Andstæðingar uppbyggingarinnar stofnuðu meðal annars hóp á Facebook og eru hópverjar þar 2.600. Úr varð því að boða til atkvæðagreiðslunnar sem þó er, sem fyrr segir, ráðgefandi fyrir bæjarstjórn.

Frétt af mbl.is

„Bæjarstjórn verður að gyrða sig í brók“

• Blogga um frétt