Fimm greindust með kórónuveiruna innanlands í gær. Einn var utan sóttkvíar við greiningu en fjórir í sóttkví. Mikill fjölda sýna var tekinn innanlands í gær eða tæplega 2.200 sýni. Á landamærunum voru 858 skimaðir. 

Nú eru 212 í sóttkví og hefur fækkað á milli daga en í gær voru þeir 232. 40 eru í einangrun og hefur fjölgað um einn á milli daga. Tveir eru á sjúkrahúsi líkt og í gær.

Smit í öllum aldurshópum undir 70 ára 

Eitt barn yngra en eins árs er með Covid á Íslandi og eitt barn á aldr­in­um 1-5 ára. Þrjú börn á aldr­in­um 6-12 ára er í ein­angr­un. Eitt smit er í ald­urs­hópn­um 13-17 ára þannig að aðeins sex börn eru með Covid á Íslandi í dag. Átta smit eru meðal fólks á aldr­in­um 18-29. Átján smit eru í ald­urs­hópn­um 30-39 ára og 5 meðal 40-49 ára. Eitt smit er meðal fólks á sex­tugs­aldri og tvö hjá 60-69 ára. 

Langflestir þeirra sem eru í sóttkví og í einangrun eru búsettir á höfuðborgarsvæðinu eða 29 af þeim 40 sem eru í einangrun og 187 af þeim 212 sem eru í sóttkví. Ekkert smit er nú virkt á Norðurlandi vestra þannig að hópsmitið sem þar kom upp hefur runnið sitt skeið á enda samkvæmt þessu. 

Nýgengi innanlands hækkaði talsvert milli daga en það er nú 10,4 á hverja 100 þúsund íbúa síðustu 14 daga. Í gær var það 7,1. Á landamærunum er það áfram 2,7. Einn bíður niðurstöðu mótefnamælingar en í gær voru þrír með mótefni sem komu til landsins daginn áður. Síðast greindist virkt smit á landamærunum á laugardag.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt