Innlent | mbl | 1.6.2021 | 12:27

Smitið getur haft áhrif á reksturinn tímabundið

Enn er töluvert um að fólk sem kemur í Kringluna sé með grímu þrátt fyrir að grímuskylda hafi verið afnumin. Mikil áhersla er lögð á þrif á snertiflötum þar. Myndin er úr safni. mbl.is/Kristinn Magnússon

Smit meðal starfsmanns í H&M í Kringlunni og að allt starfsfólk verslunarinnar er komið í sjö daga sóttkví getur haft einhver áhrif á reksturinn tímabundið. Sigurjón Örn Þórðarson, framkvæmdastjóri Kringlunnar, segir að ekki hafi verið tekin upp grímuskylda að nýju í Kringlunni en áfram sé starfað eftir sóttvarnareglum og aukin áhersla lögð á þrif og sótthreinsun snertiflata. Hann segir að margir gestir Kringlunnar beri enn grímu þrátt fyrir að afléttingu grímuskyldu.

Frétt af mbl.is

Verslun H&M í Kringlunni lokað vegna smits

Verslun H&M í Kringlunni er lokuð í dag og það getur tekið einhvern tíma að manna verslunina. Jafnvel verði afgreiðslutími verslunarinnar jafnvel skertur tímabundið. Smitið núna er hjá starfsmanni í versluninni en ekki er langt síðan smit kom upp meðal starfsfólks hjá H&M á Hafnartorgi. Flest smit sem hafa greinst innanlands að undanförnu tengjast því smiti.

Frétt af mbl.is

Flestir hinna nýsmituðu einkennalitlir

„Þetta er góð áminning um að hlutirnir eru ekki gengnir yfir endanlega og við erum á tánum með það að fylgja eftir öllum sóttvörnum og gæta þess að sótthreinsa alla fleti sem kallast snertifletir. Tíðnin aukin og sérstök yfirverð er í gangi hjá okkur í ljósi þessarar fréttar,“ segir Sigurjón.

Spurður út í hvort smitið sem greindist í H&M í Kringlunni sé það smit sem var utan sóttkvíar í gær segist hann ekki geta staðfest hvort viðkomandi hafi verið utan sóttkvíar en þyki ekki ólíklegt að svo sé og að þetta tengist fyrri smitum í verslun H&M.