Einn greindist með kórónuveiruna í gær og var sá í sóttkví. Einn greindist með veiruna við seinni skimun á landamærunum í gær. Einn bíður niðurstöðu mótefnamælingar á landamærunum.
Alls voru tekin 1.423 sýni innanlands í gær og 1.276 á landamærunum. Nú eru 45 í einangrun og 163 í sóttkví. Í skimunarsóttkví eru 1.648.
Nýgengi innanlands á hverja 100 þúsund íbúa síðustu tvær vikurnar er 8,7 og 2,7 á landamærunum.
Eitt barn yngra en eins árs er með Covid á Íslandi og tvö börn á aldrinum 1-5 ára. Þrjú börn á aldrinum 6-12 ára eru í einangrun. Eitt smit er í aldurshópnum 13-17 ára. Níu smit eru meðal fólks á aldrinum 18-29. 19 smit eru í aldurshópnum 30-39 ára og fimm meðal 40-49 ára. Eitt smit er meðal fólks á aldrinum 50-59 ára. Þrjú smit eru hjá 60-69 ára og eitt meðal fólks á áttræðisaldri.
Á höfuðborgarsvæðinu eru 34 smit og 144 í sóttkví. Eitt smit er á Suðurnesjum og tveir í sóttkví. Á Suðurlandi eru smitin þrjú og níu í sóttkví. Á Austurlandi eru tvö smit og einn í sóttkví. Á Vesturlandi er eitt smit og enginn í sóttkví. Í hópnum óstaðsettir í hús eru fjögur smit og þrír í sóttkví. Á Norðurlandi eystra er einn í sóttkví en á Vestfjörðum eru þrír í sóttkví. Enginn er með smit á Norðurlandi vestra og þar er heldur enginn í sóttkví.