Innlent | mbl | 7.6.2021 | 21:00 | Uppfært 21:49

Hringbraut verður eina leiðin út á Seltjarnarnes og Granda

Umferð í Reykjavík. mbl.is/Sigurður Bogi Sævarsson

Mýrargötu verður lokað í þrjár vikur frá og með næsta fimmtudegi. Þetta segir í færslu frá Vegagerðinni á Twitter. Þar að auki verður hámarkshraði tekinn niður í 30 km/klst. þriðjudag og miðvikudag vegna vinnu við rafstreng Veitna við götuna.

Mýrargata er ein tveggja stofnbrauta á leið út á Seltjarnarnes eða Granda en hin er Hringbraut. Hámarkshraði Mýrargötu er nú 50 km/klst. en hámarkshraði Hringbrautar var lækkaður úr 50 km/klst. niður í 40 km/klst. árið 2019.

Frétt af mbl.is

Hámarkshraði lækkaður á Hringbraut

Færslu Vegagerðarinnar má sjá hér:

Mýrargata: Á morgun, 8. júní og miðvikudaginn 9. júní verður vinna við rafstreng á vegum Veitna við götuna. Þrengt verður að umferð og hámarkshraði tekinn niður í 30 km/klst. Á fimmtudaginn 10. júní verður götunni svo lokað í u.þ.b. 3 vikur. #færðin
— Vegagerðin | Iceland Roads (@Vegagerdin) June 7, 2021