„Núna er gígurinn að lokast smátt og smátt. Sérstaklega þessi rás, það er að hlaðast yfir hana smátt og smátt líka. Svo koma þessar gusur yfir og þær bara bæta á þakið,“ segir Þorvaldur Þórðarson, prófessor hjá Jarðvísindastofnun og vísar í gíg eldgosins á Reykjanesskaga sem sést hvað best frá Gónhóli og í vefmyndavél mbl.is. 

Hann segir aðalflæðið úr gígnum vera undir hrauni sem aldrei hefur sést á yfirborðinu.

Er þetta þá ekki orðið dyngjugos?

„Þetta er að nálgast það. Það er ekki alveg orðið það ennþá en þetta er allt á réttri leið. Þróunin er öll í þá átt.“

Hann segist ekki tilbúinn að fella dóm um dyngjugos fyrr en stór hrauntjörn myndist og að hún þurfi að vera yfir gígnum. 

„Það sem gerist þegar slík tjörn myndast er að það streymir inn í hana að neðan og jafnt streymi út úr henni í hina og þessa átt. Tjörnin miðlar hraunkvikunni og þá hleðst upp með tímanum jafn umhverfis gíginn. Þá fer að fer að koma skjaldarlögun á þetta. Hún er þegar byrjuð.“

Með því vísar Þorvaldur í vefmyndavél mbl.is á Langahrygg. „Á milli reykstrókanna sérðu pollinn. Þá sést hvernig þetta er orðið eins og hálfur skjöldur.“

Hellamyndun frá byrjun 

Spurður hvort að holurnar sem hraunið rennur ofan í séu hraungöng sem síðar verði hellar segir Þorvaldur að svo hafið verið frá byrjun eldgossins. 

Tengdar fréttir

Eldvirkni á Reykjanesskaga

„Við vorum alveg á nippinu“

• Funduðu að næturlagi vegna gruns um kvikuhlaup
• Héldu að kvikuhlaup gæti verið að hefjast
• Kanna vanhæfi lögreglustjórans vegna banaslyss
• Bæjarfélagið gæti farið í greiðsluþrot

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Grímsvatnagosið 2011 var þúsund sinnum öflugra en Fagradalsgosið.