Sjávarútvegsfyrirtækið Brim hyggst styrkja Hið íslenska bókmenntafélag um 16 milljónir króna næstu fjögur árin, samkvæmt ákvæðum samstarfs- og styrktarsamnings sem undirritaður var í Safnahúsinu við Hverfisgötu í gær.

Markmið samningsins er meðal annars að efla starfsemi og útgáfu Bókmenntafélagsins í þeim tilgangi að styðja og styrkja íslenska tungu, að því er fram kemur í Morgunblaðinu í dag.

Að sögn Jóns Sigurðssonar, forseta Bókmenntafélagsins, er styrkurinn frá Brimi mikilvæg viðbót við tekjustofna félagsins en það varð fyrir miklu fjárhagstapi þegar kórónuveirufaraldurinn brast á, þar sem húseign í þeirra eigu var á leigu hjá ferðaþjónustufyrirtæki.

Hið íslenska bókmenntafélag hefur verið starfrækt frá árinu 1816 og á sér ríka sögu en félagið var meðal annars hornsteinn í sjálfstæðisbaráttu Íslendinga á sínum tíma.

Tengdar fréttir

Brim

Stærsta skip flotans heitir nú Þerney

• Brim fjárfesir í vistvænum krapavélum
• Stjórn Brims helst óbreytt
• Hagnaður Brims dróst saman um 20%
• Brim seldi nýkeypt skip vegna veiðibanns

» Fleiri tengdar fréttir