Leggja til umhverfisháskóla á Suðurnesjum

Alþjóðlegur umhverfisháskóli á Suðurnesjunum, í samvinnu við Keili, er meðal aðgerða sem lagðar eru til af Suðurnesjavettvangi, samstarfi sveitarfélaganna fjögurra á Suðurnesjum,  Isa­via, Kadeco og Sam­bands sveit­ar­fé­laga á Suður­nesj­um.

Niðurstöðu vinnu samráðsvettvangsins voru kynntar á fundi í Hljómahöllinni í Reykjanesbæ í dag undir yfirskriftinni Sjálfbær framtíð Suðurnesja. 

Frétt af mbl.is

Beint: Sjálfbær framtíð Suðurnesja

Sigurður Ingi Jóhannsson, samgöngu- og sveitarstjórnarráðherra, á fundinum í dag. mbl.is/Kristinn Magnússon

Tilgangurinn er innleiðing Heimsmarkmiða Sameinuðu þjóðanna og hefur á vettvanginum verið unnið að hug­mynd­um sem efla at­vinnu­líf og styrkja innviði svæðis­ins í átt að sjálf­bærri framtíð.

Þá er lagt til að Suðurnesin haldi sameiginlegt kolefnisbókhald, bæði opinberar stofnanir og fyrirtæki og að sömuleiðis verði sameiginleg loftslagsstefna mótuð fyrir Suðurnesin í heild.

Einnig er lagt til að ásættanleg lausn verði fundin fyrir Suðurnesjalínu II.  Þetta er lagt til í samhengi við undirmarkmið 7.1 um nútímalega og áreiðanlega orkuþjónustu í boði alls staðar í heiminum á viðráðanlegu verði. 

Frá fundinum Sjálfbær framtíð Suðurnesja. mbl.is/Kristinn Magnússon

Lögð voru til tólf verkefni undir fjórum megin markmiðum. 

Önnur verkefni sem lögð eru til eru: 

• Aukning á fjölbreytni í atvinnulífi á Suðurnesjum.
• Úrdráttur á notkun plasts, aukin endurvinnsla þess og mótun aðgerða gegn plastmengun í hafi.
• Nýsköpunarvettvangur um sjálfbærni. 
• Frárennslismál verði skoðuð í heild sinni á Suðurnesjum. 
• Umhverfisvænar samgöngur, göngu- og hjólastígar. 
• Samræming viðmiða um lágmarksframfærslu milli kerfa, stofnanna og bæjarfélaga. 
• Heilstæð menntastefna á sviði sjálfbærni.
• Bætt aðgengi að geðheilbrigðisþjónustu á Suðurnesjum. 

• Blogga um frétt