Stórar sendingar af bóluefnum á leiðinni

Von er á stórum sendingum af bóluefnunum gegn Covid-19 frá Janssen, Pfizer og AstraZeneca til landsins í næstu viku, að sögn Ragnheiðar Óskar Erlendsdóttur, framkvæmdastjóra hjúkrunar hjá Heilsugæslu höfuðborgarsvæðisins.

Þá verður nóg að gera bæði í fyrstu bólusetningum og endurbólusetningum. „Næsta vika verður mjög stór. Við erum að skipuleggja þrjá daga í næstu viku, þriðjudag, miðvikudag og fimmtudag og reiknum með að það verði allt stórir dagar,“ segir Ragnheiður.

Rætt er við nokkra starfsmenn bólusetningarinnar í Laugardalshöll í Morgunblaðinu í dag.